It's Ada's big day!
"Ano ito?" tanong ni Ada kay Jeremy nang magtungo ito sa kaniyang kwarto na may dalang dalawang magkapatong na kahon. Kasalukuyan siyang inaayusan ng isang kilalang make up artist ng mga sikat na artista sa bansa. Hindi talaga nagkasya si Jeremy na ikuha lang siya ng simpleng make up artist.
"Tingnan mo na lang," tugon ni Jeremy. "Bilis, tingnan mo na," anito pa.
"Nagmamadali? Emergency?" ani Ada.
"Buksan mo na kasi."
Kinuha ni Ada ang mga kahon at binuksan ang mga iyon. Napanganga siya nang makita ang laman ng isang kahon. Isa iyong sequin red gown. "P-pero may isusuot na ako, Jeremy," aniya sa binata.
"Mas maganda iyan. Iyan ang isuot mo," tugon ni Jeremy. "Sige na. Magbihis ka na. May kalahating oras ka na lang para lumabas. Nagsisidatingan na ang mga bisita mo
