Habang dumadaan ang mga araw ay lalong naging agresibo si Andrew upang mapalapit kay Ada habang si Ada naman ay patuloy ang pag-iwas dito. Pero walang balak na sumuko si Andrew. Makukuha niya si Ada sa pakiusapan man o santong paspasan.
"I'M SORRY, Ada, hindi kita masusundo ngayon. Kailangan ako sa De Vera Real Estate. I have some important matters to attend to. Susubukan kong makauwi nang maaga para maihatid kita mamaya."
Iyon ang laman ng mensahe na ipinadala ni Jeremy kay Ada. Napabuntong hininga siya hindi dahil sa naiinis siya na hindi siya masusundo ni Jeremy kundi dahil nakaalis na si Alexa. Kung alam lang niya, dapat ay nakisabay na siya sa kaibigan o nagpahatid. Wala na siyang masasabayan dahil huli siyang lumabas ng klase. Wala siyang choice ngayon kundi mag-commute. Sayang at
