Nakaawang ang labi ni Ada at walang humpay ang mabilis na pagtibok ng kaniyang puso habang pinagmamasdan ang pagtakbo ni Jeremy pabalik sa kotse. "Ano'ng nangyari?" kinakabahang usisa niya.
Mabilis na pumasok si Jeremy sa kotse. Inalis niya ang kaniyang cap, jacket, at mask. "We have to go, now," tugon niya nang hindi tumitingin kay Ada. Binuhay niya ang makina ng kotse at pinaharurot paalis doon.
"M-magkasabwat nga sila?" nangingilid ang luhang ani Ada. Tumingin sa kaniya si Jeremy at tumango. Nasapo niya ang dibdib sa napagtanto na rebelasyon.
"Kailangan nating makalayo, Ada, habang hindi pa nila naisasagawa ang plano nila," ani Jeremy.
"Pero saan tayo pupunta?" tanong ni Ada.
"Hindi ko pa alam. Basta kailangan makaalis na tayo. Nailigtas kita mula kay Mr. Clemente ng isang beses. M
