"Talaga?" Hindi makapaniwalang bulalas ni Nina. "Kung gano'n, kailan ang binyag?"
"Pag-iisipan ko pa ho," tugon ni Ada. "Kailangan ko na hong bumalik sa klase. Siguradong marami akong na-miss. Siguradong weekend gaganapin ang binyag ni Ethan kung sakali."
"Naku, excited na ako," ani Nina. "Dapat talaga mabinyagan na si Ethan para may dagdag siyang proteksiyon dahil magkakaroon na siya ng basbas ng Diyos at simbahan."
"Oo nga ho, eh." Tumikhim si Ada. "Aling Nina, nag-usap kami ni Jeremy," aniya. "Napagkasunduan namin na tatay ang itawag sa kaniya ni Ethan kapag natuto nang siyang magsalita."
Natakpan ni Nina ang bibig. Nangilid ang kaniyang luha sa labis na saya. Tumingin siya kay Jeremy at nakangiti ito. "Naku, aatakihin na yata ako sa puso sa sobrang saya."
"Huwag naman ho, Yaya," a
