Kahit may kani-kaniyang sasakyan, napagpasiyahan ni Jeremy na umarkila na lang ng isang malaking bus upang sabay-sabay na silang magtungo sa beach na napili ng mga kaklase ni Ada. Damang-dama ang excitement ng lahat.
"Akala ko ba sasama ka, Aling Nina?" nalulungkot na wika ni Ada. "Sige na ho, sumama na kayo."
"Kayo na lang, Ada. Maiwan na ako rito sa mansiyon. Okay lang kami ni Ethan. Ang gusto namin, mag-enjoy ka. Minsan lang iyan. Pasasaan ba at lalaki rin si Ethan. Kapag malaki na siya, kahit saan pa natin planuhing pumunta, makakasama na kami," tugon ni Nina.
"Nahihiya na ho talaga ako sa inyo. Kayo ang gumagawa ng responsibilidad ko sa anak ko," ani Ada.
"Ayan ka na naman. Huwag kang mag-isip ng ganiyan. Masaya ako sa ginagawa ko at bukal sa loob ko itong ginagawa. Mahal ko si Et
