"Ada! Jeremy!" tawag ni Alexa. "Dalian n'yo na. Diyos ko, nasindihan ko na ang mga kandila." Napahinto siya sa paglalakad nang makita ang dalawa na parang nilipad na ang mga isip sa ibang planeta. Karga ni Jeremy si Ada habang nakatitig sa isa't isa. Wala yatang naririnig ang nga ito. Pasadya siyang umubo. Tagumpay namang napalingon ang dalawa.
"Alexa?" bulalas ni Ada. Nagmamadali niyang itinulak si Jeremy upang ibaba siya nito. Dahil sa hiya ay nawala ang kirot na nararamdaman niya sa kaniyang paa.
"May na-interrupt ba akong kaganapan o magaganap pa lang sana?" makahulugang tanong ni Alexa. "Babalik na lang ako. Sumunod na lang kayo ha?" Akmang tatalikod na ito at aalis.
"Hindi. Wala. Wala kang na-interrupt."
"Ay bakit? Hindi ba kayo magkikiss?" ani Alexa. "Akala ko kasi magkikiss ka
