“Alex!” Tawag ni Mama Alma pero hindi na huminto si Alex at tuluyan ng umalis. Nahahapong napaupo na lang ito sa sofa at kita niya ang takot sa mukha nito. Inutusan naman ni Manang Susan ang ilan sa mga kasambahay na linisin ang mga nagkalat na bubog. Lumakad siya palapit dito at umupo sa tabi nito.
“Kris, you told me, you clearly told me na sinabi ni Alex na hindi na niya kaibigan si Bea.” Sabi nito sa kanya sa nanginginig na boses. “Sinabi mo na hindi na magkaibigan ang dalawa. That Bea is out of his life iyon ang sinabi mo. Pero bakit galit na galit ang anak ko. Bakit siya nagagalit sa akin? Bakit niya ko sinisisi sa pagalis ni Bea?” Tanong nito sa kanya.
“Ma, iyon ang sinabi ni Alex kay Bea.” Naiiyak na sabi niya.
“Sinabi niya? Paanong pagkakasabi? Pinalayas ba niya si Bea? Did he
