“Mas lalo akong natakot ng malaman ko ang totoong nararamdaman mo para kay Beatrice. Takot dahil alam ko na napakalayo ng agwat ng mga buhay ninyo. Na sa oras na ipagtapat mo sa kanya ang totoong nararamdaman mo ay sigurado ako na doon na maguumpisa ang kalbaryo ng anak ko.” Sabi ni Tatay Gener na huminto para punasan ang luha na tumulo mula sa mga mata nito.
Wala kahit na sino sa kanila ang nakapagsalita. Pero labis ang kirot na naramdaman ng puso niya sa narinig at nakitang pagluha ng ama. Luha na siya ang dahilan at alam niya na tama ang sinasabi nito. Hindi pa man naging sila talaga ni Alex ay naramdaman na niya ang kalbaryong sinasabi ng ama ng paalisin siya ng ina nito sa condo na tinutuluyan niya. Hindi ba at bestfriend lang siya ng anak nito pero malupit na ang naging pagtrato ni
