Pagpasok sa inuupahang kuwarto ay galit na galit niyang binato ang dalang bulaklak sa pader. Nahanap na siya ng g****g Alex na iyon. Tapos nandoon pa ang mga g****g kaibigan din nito. Akala niya magagawa na niyang makuha si Bea pero umepal na naman ang Saadvedra na iyon.
“Beatrice, my beautiful Beatrice.” Bulong niya. Mahal na mahal niya ang dalaga, unang kita pa lang niya dito sa gymnasium kung saan ginanap ang program para sa mga high school freshman ay nakuha na nito hindi lang ang atensiyon niya kundi pati na rin ang puso niya. Hindi pa man niya ito kakilala ay alam na niyang mahal niya ito.
Napakasaya niya ng malamang pareho sila ng section at kahit na nahihiya siya ay nilakasan niya ang loob na lapitan ito para makipagkilala. Simula ng araw na iyon ay naging magkaibigan na sila ni
