Nakapikit siya habang nakahilig sa balikat ni Alex. Alam niya na dapat pa silang magusap at linawin ang marami pang bagay. Ayaw man niya sumama dito pauwi pero malabo nang mangyari iyon lalo na at pinatawad na niya ito. Malinaw ang pagkakaintindi niya sa sinabi nitong hindi nito talaga mahal si Kris.
Na kaya ito pakakasalan ni Alex ay dahil lang sa lupa. Na ang kasalan na magaganap ay isang marriage for convenience lang. Nalulungkot siya sa nalaman at naaawa kay Kris dahil alam niyang totoong mahal nito si Alex pero may parte din ng puso niya na masaya.
Hindi mahal ni Alex si Kris at kahit na hindi pa siya sigurado kung ano talaga ang nararamdaman nito para sa kanya ay sapat na ang kaalamang hindi nito mahal o minahal ang dating fiance. Sapat na sa kanya ang kaalamang iyon at kahit na m
