KANINA pa hinahanap ni Angelo si Zen pero hindi niya ito makita. Nawala ito sa paningin niya dahil kinakausap siya ng kanilang mga board members.
Hanggang sa may matanaw siyang pamilyar na silhouette sa may garden exit na nakatalikod, nakasuot ng eleganteng damit, at nakikipag-usap sa isang lalaking pamilyar rin sa kanya.
Napahinto si Angelo.
Si Bryan ang kausap ni Zen, ang pinsan niyang hindi niya makasundo, magkabanggaan sa negosyo, kompetisyon sa pamilya, at ngayong gabi, tila ba pati sa babaeng nagugustuhan niya. Nakikita niya ang mga ngiti ni Bryan. Kilala niya itong mahilig sa babae.
Humigpit ang hawak ni Angelo sa baso ng wine, pero pilit niyang pinanatili ang pagiging kalmado habang dahan-dahang lumapit sa dalawa.
Nang marinig niya ang usapan, bahagyang kumunot ang noo niya.
