“So how was your first date?”
“Perfect.”
ALANGANIN ang ngiting iginawad ni AJ kay Iñaki nang magkita silang dalawa sa lobby nang araw na iyon. Iyon ang araw ng kanilang “date.” Ilang araw na sabik na sabik siya para sa araw na iyon. Bago matulog sa gabi ay nakangiti niyang bubuuin ang ilang magagandang senaryo sa kanyang isipan. Halos hilahin niya ang oras para mabilis sumapit ang araw na ito. Ang dami niyang plano. Ang sabi niya ay magpapaganda siya nang husto sa araw na iyon.
Gumanti ng ngiti si Iñaki at kinawayan pa siya. Nakita niya na may tangan na isang pumpon ng bulaklak ang binata. Kahit na paano ay sumikdo ang kanyang dibdib kahit na sa totoo lang ay hindi niya magawang maging masaya nang lubos. Marahas siyang nagpakawala ng buntong-hininga habang ibinababa ang tingin sa bat
