Kahit abot-abot ang aking kaba, pinilit ko pa rin ang maging kalmado. Si Daisy lang naman kasi ang inaalala ko. Kung sino man itong tao na nagmamanman sa akin ngayon, siguradong kapahamakan ang dulot. Ayokong madamay o mapahamak si Daisy.
Ayaw kong maulit ang nangyari sa aming pamilya noon na dahilan ng pagkawala sa amin ng aking kapatid.
Nang tuluyang maglaho ang kotse ni Daisy sa aking paningin. Saka ako naglakad papunta sa entrance ng firm. Nag-iingat na hindi mapasulyap sa pinagkublian ng lalaki. Ayaw kong maalarma siya.
“Anong nangyari?” tanong ko sa aking assistant nang marating ang opisina.
Pinilit kong kinalimutan ang takot na naramdaman ko sa labas kanina para harapanin ang kung anong problema sa aking trabaho.
“Attorney, tumawag po ang bantay ni Sammy. May mga kahina-hi
