KATATAPOS lang ayusin ni Delaney ang kaniyang mga gamit sa bago niyang apartment. Maliit ito nang kaunti sa dati niyang apartment pero ayos naman ito sa kaniya dahil siya lang naman ang mag-isa.
Nakahiga na siya sa kama nang biglang lumitaw sa kaniyang isipan ang katabi niyang lalaki sa eroplano. Pinamulahan siya ng mga pisngi sa alaala ng mga nangyari. Hindi niya akalaing nagawa niyang sumandig sa dibdib ng isang estranghero. Hindi lang basta estranghero kundi guwapong estranghero. Inaamin niyang gumaan ang pakiramdam niya noong mga sandaling iyon lalo na ang pagkayakap nito sa kaniya.
"Oh, God! Ang landi pala namin kanina," kumento niya sa sarili sabay napahilamos ng mukha sa hiya lalo na rin nang maalalang ngumisi ito sa kaniya dahil nahuli siya nitong nakatitig sa mukha nito. "Naku!
