PILIT na pinipigilan ni Delaney ang maiyak habang hinahanap ang kaniyang seat number sa eroplano. Ilang saglit lang ay nakita rin niya ito kaya nagtungo siya roon at umupo. Nasa tabi ng isang lalaking nakaupo sa tabi ng bintana ang kaniyang puwesto. Pinunasan niya ang mukha niya gamit ang kamay niya at sumandal sa headrest.
Ngunit naramdaman na lang niya ang muling pagtulo ng mga luha niya nang pumasok sa isip niya ang mga mahahalagang taong maiiwan niya. Naalala niya ang mukha ni Joross kanina na umiiyak at kung gaano niya ito nasaktan. Ngayon, alam na niya kung bakit ganoon na lamang ang mga kilos nito. Kaya pala ang paraan ng pagtingin nito sa kaniya, ang pagngiti, pagpahalaga at pag-alala ay nagpapahiwatig ng pagmamahal na higit pa sa magpinsan na bago lang niyang nalaman na hindi tot
