“Sa’yo na ‘yan. Kukuha na lang ako ng akin,” pagpapaubaya ko sa cup na ‘di hamak siya naman ang nauna. I saw how his forehead creased but I managed to turn and look for another cup. Lalo akong nainitan dahil sa presensya niya at ewan ko ba kung hanggang kailangan iiral itong namamagitan sa amin.
Humakbang ako ng dalawa upang maabot ang cup. Narinig ko na lang na tumulo ang tubig, senyales kumukuha na siya ng maiinom sa jug. Ilang segundo ang pinalipas ko hanggang sa mawala ang tunog. Saktong sa pagbalik ko ng pansin sa water jug, pinanatili ko lang doon ang tingin at sinigurong hindi ako makaaangat ng sulyap sa kaniya.
Bumalik ako patungo sa jug at pumuwesto sa tapat nito. Umatras naman nang kaunti si Kahlil upang mabigyan ako ng espasyo habang inilalagok na niya ang nasa cup niya.
