“MAGKITA tayo mamayang alas-tres ng hapon, sa Hotel Santillan Restaurant. Nagpa-reserve na ako doon, just mention my name when you get there.”
Napabuntong-hininga si Regina. Hindi niya alam kung tama ba na mag-isa niyang pupuntahan si Rachel. Hindi naman sa wala siyang tiwala, pero gusto lang niyang mag-ingat. Ngunit nagdadalawang-isip din siya na magsama ng PSG dahil kabilin-bilinan ni Rachel na wala siya dapat kasama. Dahil hindi nila alam kung sino sa nakapaligid sa kanila ang kasabwat ng ama nito.
Tiwala. Iyon ang kailangan niyang isugal para makasiguro sa kaligtasan ng asawa niya. Eksaktong lunch break ng PSG nila, doon siya tyumempo ng labas. Kay Marcela lang nagpaalam si Regina at nangako na babalik agad, pero hindi niya sinabi na magkikipagkita siy
