Habang hinahanda ko ang pagkain ni Mr. Albert ay hindi ko maiwasang mapapikit. Antok na antok ako. Natulog naman ako nang maaga kagabi pero inaantok pa rin ako. Itong mga nakaraang araw ay parang wala akong ganang kumilos. Tamad na tamad ako. Ang bigat ng pakiramdam ko na para bang gusto ko na lang humilata buong maghapon.
"Ayos ka lang ba, Adora?" tanong sa akin ni Nanay Lora. Naglakad siya palapit sa akin.
"Opo Nay, ayos lang ako. Inaantok lang talaga ako kaya napapapikit ako."
"Bakit ka naman kasi nagpupuyat? Ayan tuloy inaantok ka."
Ngumuso ako. "Hindi ako nagpuyat Nay. Ewan ko ba kung bakit ako inaantok. Siguro dahil malamig lang ang panahon kaya ang sarap matulog."
Tumingin ako sa labas. Makulimlim na naman. Marahil ay uulan na naman mamayang hapon hanggang gabi. Hindi ko nga al
