Pasimple kong sinulyapan si Val habang abala sa mga papeles na nasa harapan niya. Tambak ang mga ito sa kaniyang lamesa. Nakakunot ang kaniyang noo habang nakatingin sa papel na hawak niya. Tumikhim ako.
"Iyong...'yong kahapon pala na importanteng inasikaso mo sa kompanya ninyo, kumusta naman? Naasikaso mo ba?"
Napatingin siya sa akin na para bang nagulat siya sa tanong ko. "Ah! Tungkol doon sa ano... iyong importanteng 'yon ano ko naman siya ano ba... naayos naman," sabi niya sabay iwas nang tingin na para bang hindi mapakali.
Napayuko ako sabay hingang malalim. Hanggang ngayon ay nararamdaman ko pa rin ang kirot sa aking dibdib dulot ng nakita ko. Sino ang babaeng 'yon? Bakit kung makahawak siya kay Val ay para bang matagal na silang magkakilala?
"B-bakit Love? May... may problema b
