Tatlong buwan na ang tiyan ko ngayon. Medyo napapansin ko na may umbok na ang tiyan ko. Hindi pa siya totally halatang-halata. Parang may bilbil lang ako. Katatapos ko lang magluto ng tinolang manok. Pagkaluto ko ay dumiretso muna ako sa kuwarto dahil nahihilo. Naiinis nga ako dahil sa tuwing kakain ako sa umaga ay bigla na lang ako masusuka kaya ang mga kinain ko ay parang wala na rin. Sinabi naman sa akin ni Mama na kapag apat na buwan na ang tiyan ko ay mawawala rin itong tinatawag na morning sickness.
Papikit na sana ako nang may kumatok sa pinto. Mabilis at marahas ang pagkatok. Tamad na tamad akong bumangon. Malamang si Val na naman ito. Ano na naman kaya ang problema niya?
"Bakit?" bungad ko sa kaniya pagkabukas ko ng pinto.
Galit ang mukha niya nakatingin sa akin. Nagtaka ako ku
