Walang tigil sa pagpatak ang luha ni Deveraux habang nakaupo sya sa waiting shed sa tapat ng guidance office. Dito sya tumakbo kanina dahil sa sobrang sama ng loob.
Mag-isa lang syang nakaupo at sapo nya ang mukha habang umiiyak. Ang sakit-sakit ng puso nya at ang bigat-bigat ng pakiramdam nya. Daig pa nya ang sinampal ng paulit-ulit dahil sa mga sinabi ni Wes sa kanya kanina.
Bakit bigla na lang itong nagkaganoon?
Masayang-masaya pa naman sya kanina nang makita nya ito. Hindi nya alam kung anong nagawa nya at bigla na lamang itong nagbago.
Wala syang natatandaan na may nagawa syang mali para tratuhin sya ni Wes ng ganoon.
Nagkamali nga lang ba sya sa pagkakakilala nya kay Wes? Iyon ba talaga ang totoong ugali nito? Masyado ba syang nabulag ng paghanga nya para dito?
Hindi nya matang
