Unang araw bilang Mrs. Velasquez.
Sa totoo lang, hindi pa rin ako makapaniwala na may asawa na ako. Asawa ko na ang matalik ka na kaibigan ko.
Mahigpit ang yakap ni Sebastian sa akin mula sa likuran ko habang payapa pa rin siyang natutulog sa tabi. Pumihit ako paharap upang makita siyang mabuti.
Sa loob ng isang taon ay ganitong tanawin ang makikita ko, pagtulog ko hanggang sa paggising ko ay siya ang magiging katabi ko. Kailangan kong masulit ang mga panahon na iyon habang kasama ko siya.
Pagharap ko sa kanya ay humigpit pa ang pagkakayakap niya sa akin. Wala na akong ideya kung anong oras siya pumasok sa kwarto kagabi.
May mga maliliit na stubble na tumutubo sa baba niya. Gusto ko mang hawakan ay pinigilan ko ang sarili ko. Ang payapa ng pagkakatulog niya habang nasa tabi ko. Il
