Gwen
Ngayong araw ko na napagpasyahan na sabihin kay Miel ang totoo. Bahala na mamaya kung ano ang magiging reaksyon niya. Ang gusto ko lang ngayon ay maging totoo na sa kanya. Binabalak ko rin na kausapin si Quin sa araw ng kasal naming dalawa. Hindi ko pa rin alam sa ngayon kung itutuloy ko ang kasal o hindi eh.
“Love, oo nga pala. Pupunta si Miel dito sa bahay ah? Pinapunta ko siya kasi gusto daw niyang tumulong sa atin. Isa pa, gusto ko siyang maka-bonding. So, dito raw siya tutulog sa bahay,” nakangiting sabi ko kay Quin.
Napansin ko naman na hindi agad siya sumagot sa akin kaya nagtanong ulit ako sa kanya.
“Love, okay ka lang ba? May nasabi ba akong masama or ayaw mong makita si Miel?” tanong ko.
“Ah, oo naman. Okay na okay sa akin kung pupunta si Miel, alam mo naman na matagal
