“Magandang araw, Manang Lorna,” bati ni Hope kay Manang Lorna nang makapasok siya sa departamento nila.
Nakita niya itong may hawak at binabasa itong papel sa isang folder. Alam niyang doon nakalagay ang schedule nila para ngayong linggo, kung saan sila nakatuka sa paglilinis buong linggo. Dumiretso siya sa locker niya saka inilagay ang mga gamit niya. Kinuha niya ang damit pangtrabaho niya saka pumasok sa banyo para magbihis.
“Hope,” tawag nito sa kanya nang makalabas na siya mula sa banyo.
“Bakit po, Manang?” tanong niya dito saka nilagay ang mga damit niya sa locker bago lumapit dito.
“Ikaw ang maglilinis sa buong cubicles ng building ngayong linggo.”
Nagulat siya sa sinabi nito, hindi makapaniwala. “Lahat po?”
“Oo. Iyon kasi ang nakasulat dito sa schedule,” sa
