“Don Simon, pinatawag daw po ninyo ako?” wika sa kanya ng bagong dating na lalaki.
“Oo, Luciano, maupo ka,” wika niya sa lalaki.
Hinintay niyang makaupo ito sa sopa. Maliit lamang ang taas nito at katamtaman ang laki ng katawan. Isa ito sa pinakamatapat niyang tauhan.
“May ipapagawa ako sa iyong trabaho. Gusto ko malinis at walang sabit,” wika niya sa lalaki.
“Makakaasa ho kayo, ano ho ba ang maipaglilingkod ko sa inyo?”
“Heto ang isang milyon,” nilapag niya sa harapan nito ang pera na kinalaki ng mata ng lalaki.
“Napakalaking halaga naman po nito, Don Simon,” nakangiting sabi nito.
“Oo, dadagdagan ko pa iyan ng isang milyon kung magagawa mo ng malinis ang ipapatrabaho ko.”
“Kahit ano pa iyan Don Simon, gagawin ko,” tugon nito sa kanya.
“Magaling!” Inabot niya rito ang isang lara
