“Alam mo ba ang tungkol dito?” malamig ang tinig na wika ni Calleigh kay Juan Miguel na kina-angat na tingin nito mula sa binabasang papeles.
Inilapag niya sa harapan ng asawa ang pahayagan kung saan ay nasa front page ang malaking sunog na nangyari sa rancho.
Napabuntong-hininga ito, “Itinawag sa akin ni Tito Alejo, sweetheart.”
“Bakit hindi mo sinabi sa akin? I should know about this!” nakapamaywang na tanong niya kay Juan Miguel.
Tumayo ang asawa at lumapit sa kanya. Hinapit siya nito sa beywang, sinamaan niya ito ng tingin. Napabuga ito ng hangin at inakay siya paupo sa sopa na nasa loob ng opisina nito. Kinabig siya ni Juan Miguel payakap sa dibdib nito.
“Sweetheart, binilin ni Tito Alejo na huwag ipaalam sa iyo dahil siguradong mag-aalala ka. Walang nasaktan sa sunog pero walang
