PABALING-BALING ako sa higaan. Kahit anong gawin ko ay nahihirapan akong makatulog. Naninibago kasi ako. Nandito na nga ulit ako sa mansion pero sa ibang kama naman ako nakahiga. Pinalipat na rin ni Xander ang ibang mga gamit ko dito. Pero hindi lahat para hindi mahalata ni Mommy Aurora na magkaiba na kami ng kwarto na tinutulugan.
Tiningnan ko ang pinto na nagdurugtong sa kwarto ko ngayon at sa master’s bedroom kung saan magkatabi kami dati ni Xander na natutulog. Baga man at halos walang pinagkaiba ang lambot ng kama na hinihigaan ko ngayon sa kama ng sa kabilang kwarto, pakiramdam ko talaga ay may kulang.
Si Xander, wala si Xander sa tabi ko. Siya ang kulang na hinahanap ko. Kahit nga sana ang mabangong amoy lang niya sa unan at kumot ko, iyong kahit wala siya at nasa business trip
