MALAKI ang pagbabagong naganap sa pang araw-araw na buhay ni Alger mula nang makasama ang batang Ardilya.
May kasalo na ito sa pagkain, katabi sa pagtulog, kasama sa pangunguha ng pagkain, nakakausap, nakakalaro at kasabay sa paliligo.
Naging masayahin ito at palaging masigla. Maging ang mga paniking nakakarinig sa madalas n'yang pagtawa ay nasisiyahan rin.
Sapagkat likas na ugali, nanumbalik ang damdamin nitong mapangalagaan at maprotektahan ang kaibigang si Kruuk na sa loob pa lamang ng maigsing panahon ay minahal na n'ya ang lubos.
Upang masiguro ang kaligtasan ng kaibigan sa t'wing sasamang lumabas upang manguha ng gatong at makakain, naisipan ni Alger gumawa ng isang lalagyang masasampahan nito.
Isang luma at may sirang burlap (gunny sack) ang pinilas nito. Ang pinigtal na baging
