MULING pinagmasdan ni Alejandro ang payapang pagtulog ni Angel sa kaniyang tabi bago niya mapagpasyahan na magpahangin na muna sa balkonahe at magpaantok. May balkonahe ang kuwarto ni Angel do'n. Sakto sa mga nais magpahangin at nais namnamin ang malamig na simoy ng hangin ng Baguio.
Kanina, nang makatulog na si Angel matapos na tumahan mula sa pag-iyak ay nag-text siya kay Theo at nakiusap na akyatan siya ng beer in can. Tumalima naman 'to at alam kasing nakapulupot sa kaniya si Angel. At dahil na rin alam naman nito na mahihirapan siyang makatulog sa gano'ng sitwasyon.
Sa tuwing natatakot at nalulungkot si Angel, binabalot nito ang sarili sa comforter. At 'pag nariyan na siya ay sa kaniya naman binabalot nito ang sarili at sumisiksik. Mumunting bagay na nakaugalian na ng kaniyang asawa
