"What are you planning to do now, Cass?" tanong ni Diolph, isang gabi habang nagdidinner sila. "Tapos na ang kasal ng kaibigan ninyo."
"Sa totoo lang, Diolph, hindi ko pa rin alam kung ano ang gagawin ko. Ayaw ko pang umuwi sa Casa. Isang taon ding ikinulong ko ang sarili ko ro'n. Ngayon na sinusubukan kong magpakatatag sa desisyon kong tumigil na sa paghahabol kay Tim, sa tingin ko, hindi magandang ideya na bumalik na ako kaagad doon. Pero iniisip ko rin na magiging selfish ako kung patuloy kitang iiinvolve. May sarili ka ring buhay. Hindi dapat huminto ang pag-ikot ng mundo mo nang dahil sa akin."
Diolph sighed. "Sinabi ko naman sa iyo, wala kang dapat na ipag-alala sa akin. HIndi ka burden para sa akin. Masaya akong natutulungan kita. Gusto ko lang malaman ang susunod mong hakbang par
