Chapter 47
Pabalik-balik lang ng lakad si Jackie sa labas ng kuweba ni Thanus. Magkahalong takot, kaba at pag-aalala para kay Zyros ang bumabalot sa kanya ngayon. Pakiramdam niya tila sasabog na ang kanyang dibdib dahil sa lakas ng pintig nito. Ayaw din paawat ang mga luha mula sa kanyang mga mata sa pagragasa. Nakamasid lang sa kanya si Thanus habang nakaupo sa isang malaking bato. Nakakaramdam din ito ng pag-aalala para sa kaibigan pero malakas ang kumpiyansa niya na makakabalik ng ligtas si Zyros. Ilang minuto pa ay lumapit na si Jackie kay Thanus na bakas pa rin ang luha at pag-aalala sa kanyang mga mata. "B-bakit ang tagal niya? Okay lang ba siya? Nararamdaman mo ba ang kanyang presensya? Pakiusap, sabihin mo, sobra na akong nag-aalala sa kanya." Napabuntonghininga si Thanus at dahan-dahan
- Writer
