"...Isa pa miss Eula will pay you big for doing this." Inulit na panoorin ni sir Kael ang video noong nasa loob na kami ng opisina niya.
Sa totoo lang hanggang ngayon ay nagulat pa din ako sa lala ng ginawa nitong pagsira sa cake lalo na nang makita ko ito ng personal kanina. Buong akala ko ay lalagyan lang nila ng konting damage ang cake ng sabihin sa akin ni chef Clea ang planong gawin ng dalawa, iyon pala ay talagang sisirain nila ito ng malala.
Kagabi lang sinabi sa akin ni chef Clea ang tungkol dito kaya nagkukumahog kaming gumawa ng dummy cake after makaalis ng lahat. Ang sabi niya ay hindi daw kaya ng konsensya niya ang gustong gawin nila Eula at chef Bernadette kaya umamin siya kagabi. Hindi na nga pumasok sa isip ko na videohan ang gagawin ni chef Bernadette sa sobrang taranta,
