NAKASALPAK ang earphones ni Summer habang nagmamaneho siya. Kanina pa niya tinatawagan si Winter pero hindi ito sumasagot. Wala ito sa condo unit nito kaya pupuntahan niya ito sa bahay ng mga magulang nito, baka sakaling naroon ito. Hindi na siya pumasok sa trabaho niya.
Tatlong araw na ang lumipas mula ng eskandalong ginawa ni Tita Sophia, at simula no’n ay hindi pa niya nakakausap sina Autumn at Spring. Pero mas mahalaga sa kanya na makita si Winter at makapagpaliwanag dito.
She missed Winter so much. At ngayong nararamdaman niya ang matinding takot na baka mawala ito sa kanya ay nalaman niya kung gaano niya ito kamahal.
Mahabang panahon niyang binale-wala si Winter dahil iniisip niyang hindi siya nito iiwan. Iyon din marahil ang dahilan kung bakit hindi niya napansin na mahal siya ni
