NAGKAROON ng malaking pagbabago sa buhay ng magkakaibigan. Si Digong ay nakuhang driver/body guard ng isang abogado, kung saan si Tiklo naman ay natanggap bilang boy sa opisina nito.
Si Puyo ang naiwan sa bahay upang mag-asikaso sa kanilang lahat at maging tagapagbantay ni Bubot.
.
First year high school na si Bubot. Pigilan mang magpakita ng angking katalinuhan, umaangat pa rin siya sa karamihan. Dahilan upang mapag-initan ng ilang kamag-aral.
"Hoy, Bungol!" sigaw ng isa sa mga kaeskwela. Nagtatawanan ang mga kasama nito.
Bungol ang tawag sa kanya ng kaklase, dahil kapag daw bingi ay pipi rin. Hindi niya pinapansin ang mga parinig ng grupo. Balewala sa kanya at tila hindi naririnig.
"Aba..,nagmamaganda pa. Pa-demure pa, basurera lang naman!"
"Huwag niyo kong piliting magalit. Ma
