Aoi
KALEMBANG ng kampana rito sa simbahan ang nagpadilat sa akin mula sa pananalangin, hudyat na tapos na ang misa na aming dinaluhan ng kaibigan kong si Reen.
Mabuti na lang ay pumayag ang isa sa mga katrabaho ko na makipagpalit ng schedule sa akin ngayon, dahilan, kaya nakapagsimba kami nang magkasama ng kaibigan ko.
Sabay kaming naglakad palabas nang makasubo kami ng ostya, nakalagpas na kami sa pinto ng simbahan nang bigla akong kalabitin nito para magpaalam sa akin.
"Prend, sandali lang, ha? Wait mo 'ko rito, lalapitan ko lang 'yung girlprend ni Kuya— 'yun, oh! 'Yong naka-green na medyo pandak at palong-palo ang kilay!" turo niya sa babaeng nakatayo malapit sa gate palabas ng simbahan.
"Maureen?" kunot noo kong saad sa kanya.
"Bakit? Nagsalubong na naman ang mga kilay mo, may n
