Aoi
NAALIMPUNGATAN ako nang mayroon akong maramdaman na tila may kung anong dumaan mula sa aking likuran, habang nakadapa sa katre.
Dahan-dahan kong minulat ang aking mga mata saka tumihaya sa ‘king hinihigaan. Sandali akong pumikit, pagkaraa’y muling dumilat. Akala ko ay nananaginip pa ako. Pero unti-unting namilog ang aking mga mata, nang luminaw sa aking paningin ang isang kulay abo na pusa.
“Kam . . .”
Agad akong napaupo, saka ito inabot. Hindi ko na ininda ang bahagyang pananakit ng aking katawan dahil sa pagkasabik sa pusang inalagaan ko. Narito pa pala siya? Mabilis ko itong inilagay sa ‘king mga bisig nang aking makuha, saka sabik itong hinalik-halikan.
“Na-miss kita, baby ko,” nangingiti kong sambit. “Kumusta ka rito, ha? Panigurado na hindi ka pasaway dahil nanatili ka rito
