Jera Delavega
Nakubkob ako ng kaba at takot nang dumating si Dale sa bahay na ito. Nakakagalit.
Hindi na siya nakuntento sa panggugulo sa akin sa pamamagitan ng pagtawag at pagdadala ng mensahe sa akin araw-araw. Talagang sumadya na siya rito. Mabuti na lamang ay hindi niya nadatnan si Aoi, dahil hindi niya alam na hindi na iyon lumalagi rito sa bahay.
Panay ang paghinga ko nang malalim habang nakatingin sa kanya.
Hindi niya makukuha sa akin ang itinuring kong anak. Hindi ako makapapayag. Ako ang nagpalaki sa batang iyon kaya hindi niya p'wedeng bawiin ito sa akin ng gano'n lamang. Kahit na sabihin niya pa na may usapan sila ni Ate bago ito mawala ay wala akong pakialam.
Hindi maaari. Hindi ko ibibigay sa kanya si Aoi.
"Hindi ako nakikipag-away sa 'yo, Jera. Ayoko ng diskusyon. Maay
