Aoi
LUMABAS ako ng k'warto matapos kong i-check ang oras mula sa 'king relo.
Alas-sais na ng umaga kaya tumayo na ako, total naman ay hindi na rin ako makabalik sa pagtulog buhat nang magising ako mula kanina pang alas-kuwatro. Kaiiyak.
Hanggang ngayon ay natutulala pa rin ako, sa t'wing pumapasok sa 'king isipan ang nangyari kahapon, dahilan, kung bakit wala akong naging maayos na tulog. Nakadagdag pa sa aking isipin, nang makita kong magkasama kagabi sa Carpio's band café si Ma'am Vansha at ang lalaking kinain na ng sistema ng pera at kapangyarihan ang utak.
Hindi ba't sila ng Mira niya?
Pero kung sa bagay, sa kanya na rin nanggaling na kaya niyang makuha ang kahit na sinong gustuhin niya kahit walang kapalit na ano man. Siguro nga, katulad ko ay napagsawaan na rin niya ang babaeng
