Jera Delavega
Humalikipkip ako matapos kong sumilip sa labas para tingnan si Aoi.
Marami na akong nagawa sa araw na ito at kanina pa rin ako nakatayo rito sa tabi ng pintuan namin, pero hanggang ngayon ay hindi pa umuuwi ang batang 'yon.
Ano na kaya ang nangyari sa kanya?
Simula pa kagabi ay alalang-alala na 'ko. Hindi ko alam ang nangyari at kung ano ang dahilan nito.
Bakit ba kasi bigla na lang nawala ang batang iyon sa patimpalak na sinalihan n'ya kagabi? Nakakaloka.
Sinikap kong makauwi agad matapos ang pag-awit n'ya dahil ang akala ko ay nauna na siya rito sa bahay, pero nang makarating kami rito ng anak kong si Maxwell ay wala akong nadatnang tao kahit ang Ate Light.
"Nasaan na kaya ang batang 'yon?” bulong ko sa ‘king sarili.
Kagabi ko pa hindi mapigilan ang mag-isip nan
