Walang nagtatagal.
Iyan ang itinuro sa akin ng buhay. Walang kahit na ano na maaaring magtagal, masaya man ito o hindi. Araw-araw nating inaasam na makamit ang isang bagay na hindi pa natin napapasakamay kaya sa oras na magawa na itong makuha, huwag na dapat sayangin ang panahon. Hangga’t kayang pahalagahan, pahalagahan mo. Hangga’t nasa iyo pa, mahalin mo. Hangga’t hindi pa lumilisan, sulitin mo. Walang oras na bumabalik para lang tuparin ang panalangin mo. Hindi nakaraan ang sasalba sa kahilingan mo—kundi ang ngayon.
Kay tagal kong inakala na magagawang punan ni Trivo ang sayang inaasam ko. Akala ko, sa oras na mawala si Galileo, siya ang makagagawa ng paraan upang mapasaya ako. Maikli lang ang buhay at marami sa atin ang nagpapakasaya na hangga’t nabubuhay pa. Anong maaasahan mo sa i
