Hindi ko alam kung paano ako napapayag ni Jupiter na hahanapin niya si Bryan, alam naming dalawa na mahihirapan akong mabayaran sa kanya 'yung utang ko na binayaran niya.
Kaya nga ayaw niyang pabayarin sa'kin pero ayoko ng gano'n, malaking halaga 'yon at hindi basta basta. Kaya nga sabi niya ay kung gusto ko ay hahanapin niya si Bryan para ang gago na iyon ang masingil ko sa pera na itinakbo niya, at sa gano'n ay mababayaran ko si Jupiter.
Matagal-tagal na diskusyon din ang nangyari bago niya ako napapayag doon.
Umagang umaga ay umalis ako ng bahay para hindi ako maabutan ng taong laging naghihintay sa labas ng bahay ko. Hindi ko talaga alam kung paano ko siya tatawagin, nanay ko? Hindi naman siya nagpaka-nanay sa'kin.
Inaantok na binuksan ni Joaquin ang pinto ng bilyaran, nakapikit pa
