Maaga akong pumasok ngayong araw. Bukod sa may iniiwasan ako sa labas ng bahay ko ay wala pa si Jupiter doon sa bilyaran kaya naboboring ako.
Imbis na tumunganga doon ay pumasok na lang ako ng maaga. Isang araw pa lang na wala si Jupiter pero may nagtutulak na sa'kin na hiramin ang isa sa mga cellphone nila Tobias para makausap siya, ngunit iniisip ko pa lang ang ibabatong pang aasar sa'kin ng tatlong iyon ay naiinis na ako.
Nag angat ako ng tingin nang bumukas ang pinto ng room, nasalubong agad ng mata ko ang pamilyar na pares ng mapungay na mata. Gumalaw ang gilid ng kanyang labi at bumagsak ang tingin sa upuan sa tabi ko, kaming dalawa pa lang ang nandito.
Dalawang oras pa bago magsimula ang klase kaya nakakapagtaka na nandito na agad siya. Kung hindi ko lang siya nakikitang pumasok
