Mabagal na nagdilat ako ng mata nang makarinig ng mahihinang hagikgikan at tunog na nanggagaling sa TV. Bumungad sa'kin ang hindi masyadong pamilyar na kisame, naramdaman ko ang pag hinga sa pisngi ko kaya binaling ko ang tingin sa gilid.
Inaantok pa ngunit mabagal na nanlaki ang mata ko nang makita ang sobrang lapit na mukha ni Jupiter. Nakapikit at mahimbing ang tulog, bumaba ang tingin ko sa kamay niyang nakapahinga sa tiyan ko. Nakatagilid siya at nakaharap sa'kin.
Hindi ako nakagalaw. Pinagmasdan ko ang sarili ko, damit ni Jupiter ang suot ko! Napamura ko ng marami, bakit katabi ko 'to? Bakit? Anong nangyari? Bakit dito ako natulog sa tabi ni Jupiter? Sa isang couch na siksikan pa kami.
Narinig ko ang yabag ng kung sino kaya mabilis akong napaupo. Naitulak ko si Jupiter kaya nahul
