Kabanata 11
HINDI na nag-abala pa na kumatok si Skye nang makarating sa condo ni Cloud. Dire-diretso na siyang pumasok gamit ang susing ibinigay nito sa kanya. Inilibot niya ang tingin sa loob at hindi nakita ni anino ni Cloud. Dumiretso siya sa kuwarto nito at doon niya nakitang nakahiga at natutulog sa kama si Cloud. Balot na balot ng kumot ang lalaki. Napansin pa niya ang bahagya nitong panginginig sa kabila ng kumot na nakabalabal dito.
Kaagad na nilapitan ni Skye ang lalaki saka sinalat ang noo. "s**t! Ang taas ng lagnat mo, Cloud. Dadalhin na kita sa ospital," hindi niya napigilang kumento at akmang tatayo na nang pigilan siya nito sa kanyang bisig. Hindi niya namalayang gising na pala ito.
"Don't. Kaya ko pa naman."
"But—"
"I'm tough, Skyeisha. Hindi ako mamamatay sa simpleng l
