Kabanata 13
"DID YOU enjoy our mini-date?"
Mula sa iniinom na mocha frappe ay nakangiting binalingan ni Skye ang nagtanong na si Cloud. Magkatapat sila ngayon sa pabilog na lamesa dito sa may coffee shop na nasa bandang labas ng mall. Pagkatapos nilang mag-ikot-ikot sa loob ng mall ay dito na sila tumambay. Sa kakaikot nga nila'y kung anu-ano ang binili nito para kanya. Nandoong bilhan siya ng teddy bear, ng chocolates, and he even bought her an art set!
Matagal din silang naglaro sa arcade center at purong kasiyahan lang ang naramdaman niya. Kung hindi pa nga siguro sila umupo ay hindi pa niya mararamdaman ang pagod. Paano ba naman ay talagang nag-enjoy siyang kasama, kalaro, at kaharutan si Cloud. Kapag si Cloud ang kasama niya, hindi niya namamalayan ang oras at hindi siya nakakaramd
