Kabanata 15
"ANO PONG gusto ninyong ipakausap sa akin?" alanganing tanong ni Skye sa dalawang taong kanyang kaharap.
Tense na tense siya habang kaharap ang dalawang sikat na pintor sa buong bansa, si Santiago at Lydia Valeroso. Kilala niya ang dalawa at alam niyang mga magulang ito ni Cloud. Hindi nga niya alam kung bakit siya pinapunta ng mga ito dito sa mamahaling restaurant na ito. Nagulat pa nga siya nang makatanggap siya ng tawag mula sa mga ito kani-kanina lamang at sinabing magkita raw sila rito. Ipinagbilin pa ng mga ito na huwag na huwag daw niyang sasabihin iyon kay Cloud.
Hindi niya maiwasan ang kabahan habang nakatingin sa seryosong mukha ng dalawang kaharap. Aaminin niya, nai-intimidate siya sa dalawa dahil pawang mayayaman at sikat ang mga ito. Dahil nga sa nakikita niya'y
