2 YEARS AGO
Pumasok ako sa gate ng university na may malapad na ngiti. Suot ko ang paborito kong pink na cardigan na kahit medyo bakat ang braso ko, pakiramdam ko ay ang ganda-ganda ko. Bakit hindi? Kagabi lang, magkahawak-kamay kaming naglakad ni Jeremy sa park. Isang araw na parang kinuha sa mga pahina ng isang fairy tale ang love story namin kahapon. Sinabi niya sa akin na mahalaga ako. Sinabi niya na "iba" ako sa lahat ng babaeng nakilala niya. Ang kaniyang mga salita ay parang musika na paulit-ulit na tumutugtog sa isip ko habang naglalakad ako sa hallway. Akala ko, sa wakas, nakatagpo na ako ng taong titingin sa kaluluwa ko imbes na sa timbang ko.
Pero bago pa ako makarating sa main lobby, unti-unting nawala ang ngiti ko.
Ang ingay ng mga sapatos at tawanan ng mga estudyante ay bi
