Hindi ko na ito pinansin at tinalikuran ko na lang pagkakuha ko ng bulaklak, t'saka tuluyang pumasok sa loob at malalaking hakbang ko ring inakyat ang hagdanan.
Pagtapat ko naman sa pintuan ng silid ng aking asawa'y napatitig na lang ako sa pinto at hindi ko alam kung kakatatok ba muna ako o agad ko na ring bubuksan.
Aminado naman akong medyo natatakot ako o binabalot ng kaba ang aking dibdib sa mga oras na 'to, na akala mo'y takot masermonan ng aking ina dahil sa maling nagawa.
Subalit nanaig pa rin ang huli, hindi na ako kumatok at agad ko na ring binuksan ang pinto, ngunit agad akong napailag nang pagpasok ko'y sumalubong sa akin ang isang flower vase, kaya't nabitawan ko ang bulaklak na hawak kong sana'y ibibigay ko sa mabangis kong asawa, at nang lingunin ko ang may gawa no'n ay, n
