NAGSIMULA na kaming bumaba sa Van habang ako nililibot muna ang aking paningin sa paligid bago dumako ang aking tingin sa harap ng isang napakagarang hotel.
May mga bodyguards ulit na sumalubong sa amin at may babaeng mukhang ka edaran lang ni Mama. Sinalubong nila kami at nagsasalita sila ng Italian na si Dad na ang sumagot. May grupo ulit na lumapit sa amin at nagulat ako ng sobra nang makita ang pamilyar na mukha. Hindi ito tumingin sa akin at diretso lang ang tingin sa harapan. May kasama itong apat pang lalaking naka itim at nang magsalita ang babae sa kanila ay lumapit ang apat at pumwesto sa gilid ko.
"They will be the ones who will guard you starting today, Isabella," Tumingin siya sa dalawang lalaking makulay ang buhok. Foreigner silang dalawa. "Ang dalawang iyan ang matagal ng
