Matapos ang ilang mga oras na nilisan ng batang lalaking si Li Xiaolong ang Hidden Forest akay-akay ang isang batang babaeng sugatan ay maraming mga martial artists ang pumunta sa nasabing lugar na ito kung saan nangyari ang tila malagim at nakkahilakbot na insidente kanina.
Tila naging isang maingay na lugar ito lalo na't maraming nakikiusyuso sa parte ng lugar na pinangyarihan kung saan ay bumungad sa paningin ng mga ito ang parang dinaanan ng delubyo ang buong lugar. Nangatumbahang mga malalaki at maliit na mga puno, mga nangaputol na mga sanga, mga tila ninararong mga lupa at higit sa lahat ay ang mga nakakalat na mga bangkay ng mga hayop na naliligo pa sa kanilang mga dugo. Ang mas nagpahilakbot pa sa mga martial artists na naririto ay ang mga bakas ng mga malalaking paa ng mga maba
